Жамбыл облысы Шу ауданы білім бөлімі Әл-Фараби атындағы орта мектебінде мектеп парламентінің мүшелері оқушылар арасында «Буллингтен қорған!» тақырыбында түсіндірме жұмыстарын жүргізді.
Шара барысында буллингтің түрлері, оның бала психологиясына тигізер зияны мен алдын алу жолдары жайлы айтылып, оқушыларға нақты мысалдар келтірілді. Сондай-ақ, өз құқықтарын қорғау және қиын жағдайда кімге жүгіну керектігі жөнінде пайдалы кеңестер берілді.
Бұл іс-шараның негізгі мақсаты – мектеп оқушылары арасында достық қарым-қатынасты нығайту, өзара сыйластықты арттыру және қауіпсіз орта қалыптастыру. https://www.facebook.com/share/v/1Erbi4avX9/