Жамбыл облысы Шу ауданы Әл-Фараби атындағы орта мектебінде Міржақып Дулатұлының туғанына 140 жыл толуына орай «Оян, қазақ, ойлан, қазақ!» тақырыбында мектепішілік пікірсайыс турнирі ұйымдастырылып, мазмұнды әрі тартысты өтті.
Зияткерлік сайысқа барлығы 5 фракция қатысып, оқушылар өз ойларын еркін жеткізіп, дәлелді пікір айтуда белсенділік танытты. Ұлт тағдыры, елдік сана, азаматтық жауапкершілік сынды өзекті мәселелер қозғалып, қатысушылардың шешендік қабілеті мен сыни ойлау дағдылары айқын көрінді.
Тартысты өткен пікірталас нәтижесінде 9 «ә» сыныбының «Айбар» фракциясы жеңімпаз атанып, аудандық пікірсайысқа жолдама алды.
Жекелеген номинациялар бойынша:
10 «ә» сыныбының «Сақ» фракциясының спикері Меліс Томирис – «Үздік спикер»;
7 «ә» сыныбының «Сұңқар» фракциясының спикерлері – «Жас спикерлер»;
8 «ә» сынып оқушысы Меліс Нұрлайым – «Қайсар спикер»;
9 «ә» сыныбының «Жас Алаш» фракциясы – «Белсенді фракция» номинациясын иеленді.
Іс-шара оқушылардың құқықтық, азаматтық көзқарасын қалыптастырумен қатар, ұлттық рухты көтеруге, сөз мәдениетін дамытуға зор үлес қосты.
Аталған пікірсайыс турнирін ұйымдастырып, жас дебаткерлердің шығармашылық және зияткерлік әлеуетін дамытуға үлес қосқан «Дебат» үйірмесінің жетекшісі Б.Тастанбекова.
